Il progetto rientra nella rete nazionale denominata GIOVANI ENERGIE IN COMUNE, promossa dal Dipartimento della Gioventù-Presidenza del Consiglio dei Ministri e dall’ANCI. L’iniziativa, avviata nel Settembre 2010 e in corso di chiusura, si è avvalsa del sostegno di vari partner: Assessorato alla Cultura della Provincia di Sassari (cofinanziatore), Facoltà di Lettere e Filosofia dell’UniSS, Biblioteche e Pro Loco dei 12 Comuni dell’Unione (Bulzi, Chiaramonti, Erula, Laerru, Martis, Nulvi, Perfugas, Santa Maria Coghinas, Sedini, Tergu, Valledoria e Viddalba) e, infine, Consulta Giovanile di Martis.

Venerdì 21 ottobre prossimo, a partire dalle 15:30, nei locali del Centro Polivalente (culturale) del Comune di Martis, presenteremo i risultati finali di 12 mesi di progetto e in particolare:

-       L’antologia delle poesie popolari dell’Anglona e della Bassa Valle del Coghinas, risultato di 5 mesi di ricerca svolta da un gruppo di 9 giovani ricercatori residenti nel territorio,  supportati da un comitato di 4 esperti (Mauro Maxia, Michele Pinna, Giuseppe Tirotto, Maria Doloretta Lai). Il volume, edito da Taphros, riporta una selezione di poesie del Settecento e
dei primi del Novecento, alcune inedite, rigorosamente trascritte nella parlata locale;

-       Il dvd documentario di progetto realizzato dall’Associazione Culturale ArtErula.

Saranno presenti gli amministratori locali, il presidente dell’Unione Anglona e Bassa Valle del Coghinas, l’assessore provinciale Farina, i collaboratori del progetto e i vincitori del  “concorso itinerante di poesia estemporanea in sardo” svoltosi nel territorio lungo 13 tappe tra il 19 giugno e il 30 luglio scorso. Il concorso di poesia è stato un evento culturale di tipo collaterale, previsto dal Progetto Giovani Anglona.

Pro s’ammentu de Giuanne Seu sunt bennidos a Tzaramonte Mario Brunu Agus de Gairo, Zuseppe Porcu de Irgoli, , Zuseppe Donaera de Ossi, Nigola Farina de Orgosolo, Sevadore Ladu di Sarule, Paolu Usai de Gairo, Sevadore Iscanu de Othieri,  Costantinu Sanna de Perfugas, at partecipadu puru Zuseppe Forrija de Tzaramonte. In su palcu su coro Murales de Orgosolo e Sevadore Patatu cun Paolu Pillonca chi ant faeddadu de sa vida e de sa poesia de Giuanne Seu. Pro la narrere cun Paolu Pillonca sa poesia de Seu fit sustantziosa, sos versos fint flumtes e sa oghe bene intonada e armoniosa.

Puru sos poetes ant cantadu de sa vida, sas virtudes de poete de Giuanne Seu. Parizos l’ant connoschidu, ateros l’ant iscultadu dae sas registratziones, totus l’ant apidu geniale.

Gianne Seu est e at a restare unu de sos mazores poetes improvisadores de Sardigna. Totus sos poetes ant manifestadu de creere chi issu como continuat a cantare in Chelu cun sos ateros poetes chi sunt passados a su Regnu Divinu.

Allegradi Giuanne de s’ammentu

Chi mesa Elicona t’at cantadu

E totu Tzaramonte meda attentu

Cun grande passione t’at pessadu.

Non si los giughet de tzertu su entu

Sos versos tuos chi nos ant incantadu

Ant a durare pro milli annos chentu

O rosinzolu chi innoghe ses bistadu.

Cando curre su entu in sas carrelas

Sa oghe tua zocat in sas domos

Pro dare paghe a sos biddanos tuos.

In custu mundu pienu de ranzelas

Non bastant de sos vates tantos tomos,

Recreu nos dant sos cantigos tuos.

Sas santicas sunt in festa
Pro sa die ‘e custu Santu.
Sos bajanos los inzesta(t)
Ca si dant meda bantu.

De chimbantanoe fedales
Ant preparadu onzi cosa
Pro che catzare sos males
Ant bufadu binu ‘e Bosa.

Tota canta s’Elicona
Ant giamadu a Tzaramonte
Pro render sa festa bona
Pro tres dies faghet ponte.

Ant a benner custos vates
A cantare a boghe manna?
Sa cadrea tando agates
Pro intender cust’osanna.

Benint puru pro Giuanne,
De Tzaramonte recreu,
Custos vates de s’osanne
acudint pro Giuanne Seu.

Totu cantos sunt devotos
A custu Santu Mazore
E non solu sos bigotos
Ma fintza su professore.

E Patatu cun Pillonca
Nos presentant s’Elicona
Isperamus chi sa conca
Los agiuet e sa pessona.

Si no est tota una buglia
Cust’arriv’ e s’Elicona
Tzaramonte est in sa guglia
E sos versos sunt in trona.

E tando Santu Matheu
Preparanos unu bancu
Pro gosare a curtzu a Deu
a su devotu, a su mancu.

A nois totu ‘e Tzaramonte
Caru Santu Protetore
Beneighe tue sa fronte
E prega Nostru Segnore.

I festeggiamenti civili spazieranno quindi dalla musica giovane del promettente gruppo degli “Almamediterranea”, passando per la tradizionale poesia estemporanea del nostro famoso compaesano “Juanne Seu” e concludendo la terza serata con una commedia in “limba” della compagnia teatrale “SA CUVVA” di Ossi.

E con piacere che pubblico la locandina inviatami dal comitato per i festeggiamenti religiosi e civili in onore di San Matteo Apostolo:

COMITATO FEDALES 1959

PROGRAMMA FESTEGGIAMENTI SAN MATTEO APOSTOLO:

FESTEGGIAMENTI CON RITO RELIGIOSO

Da DOMENICA 12 a LUNEDI’ 20 Settembre 2010

- Ore 18.00: Novena di San Matteo nella Chiesa parrocchiale

DOMENICA 19 Settembre 2010

- Ore 18.00: Novena e Santa Messa al Castello dei Doria, accompagnata dal coro femminile della parrocchia di Chiaramonti.

- Processione con fiaccolata e rientro in parrocchia.

LUNEDI’ 20 Settembre 2010

- Ore 18.00: Vespri e Santa Messa nella Chiesa parrocchiale

MARTEDI’ 21 Settembre 2010

- Ore 09.00: Santa Messa

- Ore 17.30: Santa Messa Solenne concelebrata dal Parroco Don Virgilio e da Don Francesco Soddu, cantata dal “Coro Tzaramonte”

- Processione con il Santo Patrono per le vie del paese accompagnata dalla “Banda musicale di Villanova Monteleone”, dal “Gruppo Apostoli – Confraternita di Santa Croce”, dal “Coro Tzaramonte”, dal “Gruppo dei Cavalieri” e da gruppi in costume tradizionale.

FESTEGGIAMENTI CIVILI IN PIAZZA COSTITUZIONE

DOMENICA 19 SETTEMBRE 2010

Ore 16.00 Torneo di “murra” nel cortile del Centro Sociale, in collaborazione con la S.C. Chiaramonti

Ore 21.00 Concerto del gruppo musicale ALMAMEDITERRANEA (BREVE BIOGRAFIA DEL GRUPPO, clicca qui)

LUNEDI’ 20 SETTEMBRE 2010

Ore 21.00 Serata di poesia sarda “PREMIU SANTU MATEU”

« IN AMMENTU DE GIUANNE SEU »

Con la partecipazione dei poeti : CARTA – ZIZI – MASALA – AGUS – LADU – MUREDDU – DONAERA – SCANU – FARINA – PORCU – USAI – SANNA – FURRIJA e NIEDDU accompagnati dal tenore “MURALES” di Orgosolo

Ospite d’onore ANTONIO PAZZOLA

Relazioni sulla figura poetica di Giuanne Seu da parte di:

Prof. Salvatore Patatu e Prof. Paolo Pillonca.

MARTEDI’ 21 settembre 2010

]]> https://www.ztaramonte.it/word/2010/09/i-fedales-del-59-festeggiano-il-patrono-san-matteo/feed/ 0 https://www.ztaramonte.it/word/2010/02/espugnada-est-sa-muraglia-di-proto-becciu/ https://www.ztaramonte.it/word/2010/02/espugnada-est-sa-muraglia-di-proto-becciu/#comments Wed, 10 Feb 2010 10:23:00 +0000 carlo moretti http://www.ztaramonte.it/word/?p=2523 Poeta di Chiaramonti,  improvvisatore analfabeto molto fecondo d’idee, e spiccava anche in cantate bernesche.

Espugnada est sa muraglia
distrutt’est sa fortilesa,
chi hat factu cuss’impresa
devet giugher grand’iscaglia.

Sa muraglia est destruida
s’edifissiu est atterradu,
chie s’attaccu l’hat dadu
hat arriscadu sa vida;
senza corpu ne ferida
hat triunfadu in sa gherra
ch’hat distrutt’et postu in terra
una muraglia asi forte
chi inevitabile morte
pariat chi minettàda
a chie si b’accostàda
pro l’intimare a battaglia.

Muraglia ch’isfidaiat
a gherra sos battagliones,
ch’a bombardas et cannones
coraggiosa resistiat,
sos assaltos non timiat
d’una flotta ben’armada
ca fit sempre preparada
resister et fagher fogu;
como est paradu in giogu
trastull’et avvilimentu
a chi pro divertimentu
nde cuntemplàt sa grandesa.

Fidada in sa fortilesa
chi teniat de sas armas
riportare sempre palmas
si creiat de diffesa,
sende chi sa debilesa
ch’in su fundamentu haiat
avvertire la deviat
de su perigulu sou.
Non li eniat de nou
chi fit bene iscarmentada
chi cun calchi cannonada
bi podiant fagher maglia.

Muraglia ch’innanti altera
et superba presumiat
domare fina a s’aera
chi la colpàt et feriat;
como però si cheriat
in su mare summergida
ca s’idet tropp’abbattida,
umiliada et distrutta:
una mitragliada brutta
d’un’artiglieri perittu
l’hat posta in tale conflittu
chi l’hat priva de bellesa.

L’hat priva de dogni donu
cussa brutta mitragliada
chi cun destresa iscappada
l’hat, et senza fagher sonu:
unu cannoneri bonu
in calchi occasione
trattat cussa muniscione
pro fagher tiros seguros;
mancari siant sos muros
fortes et impenetrabiles
faghet breccias deplorabiles
chi sa muraglia est già resa.

Muraglia però atterrada,
fortilesa ma distrutta:
cussa repentina rutta
tue ti l’has causada
prite sempre iscappricciada
ses istada et in porfias.
Si consideradu haias
su chi como ses bennida
bene ti fis prevennida
pro gherrare cun valore,
chi a su mancu in honore
tou t’esseres mantesa.

Pro finis nara si a contu
t’est torradu su gherrare,
non lu cherfas denegare
ne ti servat de affrontu
prit’unu maccu unu tontu
bidet sa perdida tua.
Cust’in giaru et no a cua
cadaunu lu assegurat;
et cantu su mundu durat
et hat a esser in pè
s’hat a narrer chi pro te
totu perdesti in battaglia.

Traduzione:

1 La muraglia è conquistata, la fortezza è distrutta, chi ha compiuto
quell’impresa deve essere molto forte.

2 La muraglia è distrutta, l’edificio è a terra, chi ha dato l’assalto ha
rischiato la vita; senza colpi né ferite ha vinto la guerra distruggendo
e gettando a terra una muraglia tanto forte che sembrava minacciasse
di morte sicura chi le si accostava dichiarando battaglia.

3 Una muraglia che sfidava alla guerra i battaglioni, che resisteva
coraggiosamente a bombarde e cannoni, né temeva gli assalti di
una flotta ben armata perché era sempre preparata a resistere e
a far fuoco; ora si è trasformata in gioco, trastullo e avvilimento
per chi per divertimento ne ammirava la grandezza.

4 Confidando nella forza che riponeva nelle armi era convinta di
vincere sempre nel difendersi, mentre la debolezza che aveva
nelle fondamenta l’avrebbe dovuta mettere in guardia del pericolo.
Non le giungeva nuovo, e anzi era ben avvisata, che qualcuno
avrebbe potuto far breccia con qualche colpo di cannone.

5 Una muraglia che un tempo presumeva altera e superba di sottomettere
persino l’aria che la colpiva e la feriva; mentre ora preferirebbe
essere sommersa sotto il mare perché si vede così abbattuta,
umiliata e distrutta: una sgradita mitragliata di un tiratore
provetto l’ha ridotta così male che l’ha privata della sua bellezza.

6 L’ha privata di ogni grazia quella sgradevole mitragliata che è
stata sparata con destrezza e senza far rumore: un buon cannoniere
in qualche occasione usa quel tipo di munizione per fare
dei tiri sicuri; e per quanto i muri siano forti e impenetrabili provoca
delle brecce talmente gravi che la muraglia è già sconfitta.

7 Una muraglia ma abbattuta, una forza ma distrutta: quest’improvvisa
caduta l’hai causata tu stessa perché sei stata sempre
capricciosa, alla ricerca di scontri. Se avessi previsto quel che sei
diventata ora ti saresti ben preparata a combattere con valore,
così che avresti salvato almeno il tuo onore.

8 Dimmi infine se ti è convenuto combattere, non cercare di negarlo
né ti sia di offesa perché persino un matto, un tonto si
rende conto della tua sconfitta. Una cosa che chiunque può dire
chiaro, non di nascosto; e per quanto il mondo dura e resterà in
piedi si dirà che è per colpa tua che hai perduto la guerra.

Bortigali 1959 PEPPE SOZU – ANTONI PIREDDA – JUANNE SEU

DUINAS

1. Sozu

. . . . . torradu su tenore

de duina faghimos unu giru

2. Piredda

Su tenore ja paret un’ammiru

chi presentat un’òrganu mazore.

3. Seu

Ma s’est purgadu totu su laore

como che frundiamus su chiliru.

4. Sozu

Tue già paris, Seu, in cust’isetu

ma ancora su trigu no est netu.

5. Piredda

E s’esserat su trigu inetziadu,

mi’, su chiliru non deves frundire.

6. Seu

Si nd’est fina su pópulu istracadu,

in su letu disizat a drommire.

7. Sozu

Da chi sa ratzione apo buscadu

no apo mancu ‘e s’ijerru a timire.

8. Piredda

Ténelu contu su chiliru tou

ca ti podet selvire a trigu nou.

9. Seu

Como lu apalto su chiliru meu,

l’apo a tratare a da chi ‘enit s’ora.

10. Sozu

Si sa mietitrèbbia l’at Seu

su chilireddu che l’imbolat fora.

11. Piredda

Ténelu contu su chiliru intreu

ca bisonzat a dogni purgadora.

12. Seu

E tue si as chiliros pro sa gara,

car’Antoni, a cras sero los prepara.

13. Sozu

Ma chiliros, ne truddas ne truddones

como no si nd’at bidu pius in giru.

14. Piredda

Però Juanne Seu su chiliru

at bidea ‘e lu fagher a bucones.

15. Seu

Creo ch’a-i cust’ora in su retiru

sun finas in campagna sos puzones.

16. Sozu

Mai s’’iat ne chiliru e ne sedatu

ma bastet chi s’agatet pane fatu.

17. Piredda

Dadu chi a cantare t’an batidu

canta, Juanne, si nde tenes gana.

18. Seu

Canto mancari cun rima metzana

però mi colco cando so sonnidu.

19. Sozu

Su pane ‘onu est sempre saboridu

po chi lu ‘aten dae terra lontana.

20. Piredda

A la finire no sias pressadu,

canta in sa gala ca ja ses pagadu.

21. Seu

A ischis chi no so pagadu ancora

e ne so trabagliende in cantieri.

22. Sozu

Ma ite contat tempus e ne ora

po s’improvisadore ‘e mestieri?

23. Piredda

Po ti pagare in moneda sonora

bisonzu chi trabaglies volenteri.

24. Seu

Pro istanote est finidu s’iscopu

. . . . . . . . . . . . . . . .

25. Sozu

Ma sos ch’ìstana tota note fora

sun sos chi no an letu e ne dimora.

26. Piredda

A chie at piaghere ‘e iscultare

no devides su gustu proubire.

27. Seu

Ma cuddos chi ana gana ‘e si drommire

chi frimmen no lo podes obbligare.

28. Sozu

A da chi ‘enit s’ora ‘e paltire

ognunu si che devet aviare.

29. Piredda

Canta, Juanne, cun sos sensos fissos:

no ti deves drommire prima ‘e issos.

30. Seu

Eo ja canto cando mi piaghet

ma no chelzo controllos che Piredda.

31. Sozu

Cussa mi parit una brighighedda

chi ne caldu ne fritu inoghe faghet.

32. Piredda

Ma mi paret Juanne chi s’atraghet,

abbesu chi tochende lu est sa sedda.

33. Seu

Si mi piaghet drommo o cant’arreu

ma no ses tue su padronu meu.

34. Sozu

Juanne ‘atidu si at s’isvegliarinu

no ti podes drommire a sonn’isoltu.

35. Piredda

E dadu chi mi tenes a vicinu

a ti fagher cantare so dipoltu.

36. Seu

Ma si, Piredda, no istas a poltu

ti fato ruer in mesu caminu.

37. Sozu

Non bos drommides bois duos ebbia,

drommidu a totu at sa ‘ostra ninnia.

38. Piredda

Pensa chi a Piredda a fagher rùere

no sunu proas de Juanne Seu

39.Seu

Si si ponet in motu s’ozu meu

Pireddas che a tie faghet fùere.

40. Sozu

Ambos ja bos ponides in peleu,

cherides dare su velenu a sùere.

41. Piredda

Tue de ozu as sa pessone lija

no b’est su tantu de una frommija.

42. Seu

Ja l’isco ‘e ozu chi so iscadente

però coraggiu nde tenzo ‘e avassu.

43. Sozu

Ja no che cheren ne ozu e ne grassu

como a ungher sa botas a sa zente.

44. Piredda

Cun totu grassu chi no nd’at niente

m’abbizo rallentende ses su passu.

45. Seu

A Piredda mancari mannu-mannu

s’ozu meu l’ingrassat totu s’annu.

46. Sozu

Sos domiciliados in tzistade

bio non cheren tenner paghe ancora.

47. Piredda

O Peppe Sozu, no ch’’essas a fora

prite bi chi nd’at de dogni calidade.

48. Seu

Lassa ‘e Piredda s’arma traitora

s’est ch’istimas sa tua libbertade.

49. Sozu

Prite in palcu bos dades a sas manos

ja chi contades giai paesanos?

50. Piredda

E poite mi naras traitore

a da chi totu ti so nende in cara?

51. Seu

Tue no tenes un’ànima avara

ma s’arma tua est ch’at tropu valore.

52. Sozu

Cherides fagher una figura rara

ma mi parit dognunu peldidore.

53. Piredda

Bell’est cantende chi laras abbelzas

ma a mie traitore no lu nelzas.

54. Seu

No fia nende traitore a tie,

sun traitoras sas armas ch’impitas.

55. Sozu

. . . . . . . . . . . . . . . . . .

. . . . . e dae poi ite ti agìtas.

56. Piredda

Mezu sa retidùdine chi jitas

e no ti fetas ne fogu e ne nie.

57. Seu

Tue ch’atacas gherra in dogni logu

‘etachelas sas armas in su fogu.

58. Sozu

Sezis poninde fogu a note intrea

ma no allumat mancu su furreddu.

59. Piredda

Ammentadinde ‘e sa prima cadrea,

it’as cantadu in su primu faeddu.

60. Seu

Sozu ch’est mannu cant’unu casteddu

ma istanote li damus pelea.

61. Sozu

Da chi de fogu azis paga provista

no bos brujades calchi pibirista.

62. Piredda

Seu mi paret unu punghe e fue

ca in logu no tenet arresetu.

63. Seu

Però pro como, Antoni, ista chietu

no siat chi si peset calchi nue.

64. Sozu

A mie parit sa gulpa l’as tue

chi lu ses agghejende pro dispetu.

65. Piredda

E tue puru pianu-pianu

tiras sa pedra e ti cuas sa manu.

66. Seu

Ponide mente ca est ora talda

e la finimus totu in paghe santa.

67. Sozu

Nono, chi sa minestra da ch’est calda

che cheret mandigada totacanta.

68. Piredda

E-i sa lanza poesia salda

nde la devo bogare dae pianta.

69. Seu

Si che l’ingullis a unu bucone

ti podet fagher indigestione.

70. Sozu

Ma custu ja est brou ‘e puddighinu,

si podet narrer lezeru unu pastu.

71. Piredda

Deo de brou no li leo tastu

mi paret unu fenu leperinu.

72. Seu

Piredda no si fidat a vicinu,

che-i sos pastores iscudet a crastu.

73. Sozu

A da chi no b’at peta in sos mercados

bos ana fatu su brou ‘e dados.

74. Piredda

No selvit a buddidu e ne arrustu:

si passat, podet passare a casciola.

75. Seu

Cun sos rassos bi leo pius gustu

pro chi no sian in sa catzarola.

76. Sozu

Da chi de abba bi est su tantu giustu

ja che passat po una ‘olta sola.

77. Piredda

Po chi Juanne Seu fetat brou

dali unu pagu ‘e su grassu tou.

78. Seu

Già isto ‘ene comente mi agato,

non so pensende pro sa tripa anzena.

79. Sozu

Deo de brou gai mi nde atato

però no naro chi apo fatu chena.

80. Piredda

De peta ‘e fadigada ite nde fato

ch’est su matessi che papare rena?

81. Seu

Tra Sozu cun Piredda in sa pessone

faghen tres cuintales de sabone.

82. Sozu

E a su mancu su sabone ‘onu

ti podet samunare manu e cara.

83. Piredda

E-i su sabone est una cosa rara

poi chi no si ‘endet a s’indonu.

84. Seu

Mi paret ch’istanote in custa gara

ti faghimos teracu dae padronu.

85. Sozu

Tres cuintales de sabone cotu

cheret po samunare a tie etotu.

86. Piredda

Tra su sabone sou e-i su meu

fintzas a tie ti est netzessàriu.

87. Seu

E a sabone gai so contràriu

ca no est bonu a samunare a Seu.

88. Sozu

No apo ‘e lavandaia s’impreu,

deo che passo in àteru binàriu.

89. Piredda

Ja poden ingrassare dae inie

su cannaitu ‘e apicare a tie.

90. Seu

Eo pro istanote no m’impico

ca su motivu no be-i est ancora.

91. Sozu

Cussa ‘idea mala che ‘oga a fora

ca si t’idera sas manos ti sico.

92. Piredda

Cun su sabone meu si mi fico

s’istracat fintza sa samunadora.

93. Seu

S’azis cannau cun sabones bonos

selvan a impicare sos padronos.

94. Sozu

Tando tue ses, Seu, selvidore:

non ti ses resu ancora indipendente.

95. Piredda

Aiò, Juanne, e fàghedi segnore

e arrejona de pius prudente.

96. Seu

Eo la fino sempre amore-amore

ma est su tantu ‘e trampare sa zente.

97. Sozu

S’a sos padronos des cannau apòrrere

signu chi selvidore deves mòrrere.

98. Piredda

Ma no si trampan sos chi sun igue:

si no ti pagan ses trampadu tue.

99. Seu

Si b’at dinari un’iscuta agguanto

però si no mi pàgana no canto.

100. Sozu

E mezus lis naramos adiosu

e bonanote cun bonu riposu.

101. Piredda

E si ponimos sa fine a su cantu

repito bonanote ateretantu.

102. Seu

E deo si est finida s’Elicona

naro: bonu reposu e note ‘ona.

Buona lettura.

BATORINAS

1. Sozu

A la cantamos una batorina,

ma, Bortigale, non sias ostile:

a frusciare si frusciat in cuile

ue b’at crabas e robba elveghina.

Como cantamos una batorina.

2. Piredda

Tando cantamos una batorina,

sonende sa poética campana

a chie de frusciare tenet gana

su frusciu che li ‘essat in s’ischina.

Ja chi cherides una batorina.

3. Seu

Como cantamus una batorina,

ca no cheren a fagher sa finale:

pro fagher una gara in Bortigale

est mezu a bogare cotighina.

Como cantamus una batorina.

4. Sozu

A la cantamos una batoreta,

no mi nde faghet s’ischina a un’arcu:

si nois che calamus dae su palcu

ja ‘ies chi sa zente istat chieta.

Como cantamos una batoreta.

5. Piredda

Tando cantamos una batoreta,

che ch’apera retzidu unu regalu:

si an frusciadu no est po su malu

ch’est po fagher cantare su poeta.

Ja chi cherides una batoreta.

6. Seu

Como cantamus una batoreta,

cantade naran a “piunonposso”:

si, Peppe Sozu, che falas a giosso

t’istratzan finamenta sa maglieta.

Como cantamus una batoreta.

7. Sozu

A la cantamos una noitola,

ma chie frusciat cun fatzilidade

ja no est zente pesada in tzitade,

si connoschet ch’est ratza campagnola.

Como cantamos una noitola.

8. Piredda

Tando cantamos una campagnola,

ma no frùsciana solu sos distratos:

osselva finamenta in sos treatos

ch’a frusciare lu tenen a iscola.

Ja chi cherides una noitola.

9. Seu

Como cantamus una noitola,

sa zente est airada totacanta:

chie ti narat toca e tie canta

paren truvende caddos in s’alzola.

Como cantamus una noitola.

10. Sozu

A la cantamos una paesana,

ma sos chi cantan tenen sempre a usu:

a da chi issos apretan piusu

nois tenimus pius paga gana.

Como cantamos una paesana.

11. Piredda

Tando cantamos una paesana,

no an bidea ‘e la fagher finida:

lassa chi bufet sa zente sidida

fintzas ch’abba che nd’at in sa funtana.

Ja chi cherides una paesana.

12. Seu

Como cantamus una paesana,

s’est ch’a buddire si sighit su brou

a mie mi rispetan ca so nou

ma a bois una sussa bos la dana.

Como cantamus una paesana.

13. Sozu

A la cantamos una furistera,

cheren leare sos poetas a truba:

chie si cheret sempre a conca a cuba

ja podet morrer da s’imbreaghera.

Como cantamos una furistera.

14. Piredda

Tando cantamos una furistera,

ancora est populada sa piata:

e da chi custa gara l’ana fata

la dévene godire in paghe vera.

Tando cantamos una furistera.

15. Seu

Como cantamus una furistera,

si sighides a frenare sos passos

ca sezis ambos duos caddos rassos

istanote bos ponen sa gropera.

Como cantamus una furistera.

16. Sozu

A la cantamos una bruschistriglia,

apretu no bi cheret de piusu:

si che podet betare a bentr’in susu

da chi su caddu l’apretan a briglia.

Como cantamos una bruschistriglia.

17. Piredda

Tando cantamos una buchistriglia,

tue a totus minetas su ‘anzu

per’a tie ti tratan ca ses lanzu

a atacapannu a una maniglia.

Ja chi cherides una buchistriglia.

18. Seu

Como cantamus una bruschistriglia,

si bos frimmades in mesu caminu

bos sonan in orijas su frustinu

e bessit a galopu sa pariglia.

Como cantamus una bruschistriglia.

19. Sozu

A la cantamos una batorina,

est calicunu disizende azudu

paret Juanne a suore mimudu

che chi s’apat leadu un’aspirina.

Como cantamos una batorina.

20. Piredda

Tando cantamos una batorina,

Juanne Seu, a nde faghes a mancu:

ses diventende pàllidu e biancu

che ch’aperas bufadu coramina.

Ja chi cherides una batorina.

21. Seu

Como cantamus una batorina,

eo so sempre fatende progressos

ma ‘ois duos parides arressos

che màchina chi fratzat sa binzina.

Como cantamus una batorina.

22. Sozu

A la cantamos una batoreta,

ti che ses collocada in tertza fila

ma tota note ses timindedila

che una nughe suta sa matzeta.

Como cantamos una batoreta.

23. Piredda

Tando cantamos una batoreta,

Lassa, Juanne Seu, sa mania:

tue ’e sos rassos tenes gelosia

prite ses lanzu che corru ‘e furcheta.

Ja chi cherides una batoreta.

24. Seu

Como cantamus una batoreta,

eo no timo gherra e ne buldellu

ma istanote calchi coronellu

che lu fato torrare a sa gaveta.

Como cantamus una batoreta.

25. Sozu

A la cantamos una noitola,

no so mancu pensende a marmitones:

si fin totu che Seu sos leones

no b’aiat bisonzu ‘e musarola.

Como cantamos una noitola.

26. Piredda

A la cantamos una noitola,

mezus faghe una palte decorosa

e-i sa limba mala iscandelosa

segadindela cun sa pudajola.

Ja chi cherides una noitola.

Oltre i versi, troverete all’inizio di ogni genere, un lettore mp3 che vi consentirà di sentire la registrazione della gara. La necessità di dividere la registrazione in tre parti, è unicamente una mia scelta, dovuta al fatto che con spezzoni di files più piccoli, sono agevolati all’ascolto anche gli utenti con linea non ADSL. vi consiglio di avviare il lettore prima di iniziare la lettura dei versi.

Buon ascolto e buona lettura.

MARIEDDU MÀSALA / JUANNE SEU

Festa de Santu Pitanu

Seui, su 4 de Austu de su 1996

DUINA

1. Màsala

Però totu finida no est s’iscena:

pesadinde pro fagher sa duina.

2. Seu

Ma custa ja est fàtzile faina,

lu poto narrer a buca piena.

3. Màsala

Ma ite note calma e serena:

manc’una foza no movet sa frina.

4. Seu

Su tempus ja est caldu in dogni logu

ma penso crasa chi sémenet fogu.

1. Màsala

Però ite promitis e assiguras

chi siat cras una die metzana.

2. Seu

Est in Saldigna tropu sa caldana

chi a dognunu est dende penas duras.

3. Màsala

Ma caldu no bi nd’at solu in Othana,

infatis che nd’at fina in sas alturas.

4. Seu

In Alghero da mesudie in susu

bi nd’at baranta grados e piusu.

1. Màsala

Da mesudie in susu est a su sero

ma sa friscura bella est su manzanu.

2. Seu

Deo lu sufro ca so antzianu

e bi at oras chi mi disispero.

3. Màsala

Capitat solu de b’andare a Alghero

pro mi che setzer in s’aeroplanu.

4. Seu

De’invece non paso mancu un’ora

prite b’at caldu in domo e peus fora.

1. Màsala

E lass’istare, Juanne, chi ole

pro passizare a vicinu a su sole.

2. Seu

Chi ti ponzas in sole ti l’afeo

invece suta ‘e s’umbra mi ponz’eo.

3. Màsala

Ja ti che setzes de cuss’umbra in suta

e podes mandigare calchi fruta.

4. Seu

Però s’edade mia bruta est cudda

antzis no papo ne fruta ne nudda.

5. Màsala

Ma como chi ch’’as példidu sas dentes

tocat chi solu ‘e s’umbra ti cuntentes.

6. Seu

Ma non poto lassare nudda a coa

ca m’apo postu dentiera noa.

7. Màsala

E si t’as postu dentiera noa

tando cun cussa addentiga sa coa.

8. Seu

Però tue ca jughes sale in tzuca

prova a mi ponner sos didos in buca.

BATORINAS

1. Màsala

Tando cantamus una batorina,

ma sos faeddos chèrene medidos:

prima ‘e ti ponner’in buca sos didos,

caru Juanne, ti ponzo un’ispina.

Tando cantamos una batorina.

2. Seu

Como cantamus una batorina,

ma eo so timende àteros dannos

e pena mi sun dende tantos annos

chi como jito su pesu ‘e s’ischina.

Como cantamus una batorina.

3. Màsala

Tando cantamos una batorina,

ti torro da Juanne a Juanninu,

e nde fat’unu bellu manichinu

e t’isponimos in-d-una vetrina.

Tando cantamos una batorina.

4. Seu

Como cantamus una batorina,

ma tue a su chi faghes ist’atentu:

da chi nde faghes un’ingrandimentu

si b’ispaventat calchi signorina.

Como cantamus una batorina.

5. Màsala

Tando cantamos una batoreta,

ja tenes mannos fizos e nebodes:

tue ses jaju insoro e ti la podes

a fronte alta e ischina ‘ereta.

Tando cantamos una batoreta.

6. Seu

Como cantamus una batoreta,

che so ‘etzu e a dare sos adios

ma so cuntentu chi nebodes mios

lean su nonnu insoro a sa bratzeta.

Como cantamus una batoreta.

7. Màsala

Tando cantamos una batoreta,

ancora cantas in mesu sos bios

e superadu as otanta istios

e sa figura la faghes discreta.

Tando cantamos una batoreta.

8. Seu

Como cantamus una batoreta,

ma cussos bantos làssalos in pasu.

Prima fia uficiale in su Parnasu

e oe so torradu a sa gaveta.

Como cantamus una batoreta.

9. Màsala

Tando cantamos una paesana,

sa modéstia, Seu, est sempre mia:

calchi ‘olta ti fato cumpagnia,

calchi ‘olta ti do finas matana.

Tando cantamos una paesana.

10. Seu

Como cantamus una paesana,

sa carriera acantu est a finire

ma sos collegas faghia timire

cando no la jughia s’alva cana.

Como cantamus una paesana.

11. Màsala

Tando cantamos una paesana,

tue istas atentu inube passas

ca tantu no as példidu sas trassas

mancari ch’epas példidu sa lana.

Tando cantamos una paesana.

12. Seu

Como cantamus una paesana,

sende giovànu che sardu cantante

non timia nemmancu s’elefante:

como timo su càntigu ‘e sa rana.

Como cantamus una paesana.

13. Màsala

Tando cantamos una noitola,

per’ancora triunfas in totue:

auguramos chi no molzas tue

prite Sotgiu nos lassat a sa sola.

Tando cantamos una noitola.

14. Seu

Como cantamus una noitola,

tue ses de sas garas su zigante:

a faghes, Marieddu, s’insegnante

e ti chilcas alunnos a s’iscola?

Como cantamus una noitola.

15. Màsala

Como cantamos una noitola,

tue ses sempre allegru che un’isposu

poi ses unu tipu coraggiosu

chi no times ispada e ne pistola.

Tando cantamos una noitola.

16. Seu

Como cantamus una noitola,

cando fia in edade giovanile

non timia nemmancu su fusile

pro ch’isparerat puru a balla sola.

Como cantamus una noitola.

17. Màsala

Tando cantamos una bruschistriglia,

ma prima fimis una barantina

e como semus metade dozina,

sempre diminuinde est sa famiglia.

Tando cantamus una bruschistriglia.

18. Seu

Como cantamus una bruschistriglia,

sutzedit males de ogni zenia

però est peus ca sa poesia

non faghet a sos sardos meraviglia.

Como cantamus una bruschistriglia.

19. Màsala

Tando cantamos una bruschistriglia,

non ses de carriera a s’aurora

però b’as aer de cantare ancora

s’inventan pro no morrer sa pastiglia.

Tando cantamos una bruschistriglia.

20. Seu

Como cantamus una bruschistriglia,

ma so pensende chi pius no giro

ma, caru Marieddu, mi retiro

e unu tapu ponzo a sa butiglia.

Como cantamus una bruschistriglia.

21. Màsala

Tando cantamos una tarantella,

in cust’amenu paisu montanu

mancu creiat santu Bustianu

chi li feteran festa goi bella.

Tando cantamos una tarantella.

22. Seu

Como cantamus una tarantella,

sos ch’an fatu sa festa tantos sunu

e isse fatat grascias a dognunu

a sos chi l’ana fatu sa capella.

Como cantamus una tarantella.

23. Màsala

Tando cantamos una tarantella,

e fini ca si pones fatu a mie

in su palcu nos at a fagher die:

cantat su puddu e ispuntat s’istella.

Tando finimos cun sa tarantella.

24. Seu

Finìmula cun-d-una tarantella,

ja chi no cheres prosighire ancora,

deo fino ma fino a-i cust’ora:

cun su puddu non so in parentella.

Finìmula cun-d-una tarantella.

DISPEDIDA

Màsala

Sos paganos chi a tie si ribbellan,

Bustianu, a su palu t’incadenan:

sas fritzas de sos arcos ti avelenan,

sas purpas e sos ossos ti masellan.

Ti lapidan, torturan e flagellan,

su corpus de piagas ti pienan,

versas su sàmbene e moris ca t’isvenan

ma sa fide ch’as pro Deus non cancellan.

Cundennadu a morte in modu tale

pro esser cunvertidu cristianu

e dae tribbunu ‘e Diocletzianu

ses diventadu ‘e Cristos generale.

Ca cun sa palma ‘e sa vitória in manu

a s’Empireu t’innaltzas imortale.

Como dae su chelu inube sese,

a ube ses pigadu a bolu ispaltu

beneighe de Seui su paese

e totu su chi tenet in su saltu.

Sémina santas grascias dae in altu

chi sas edades nde godan totas trese.

Sos menzus donos màndalis a pese

a custu cumitadu de giovanos

chi t’an fatu sa festa e sempre sanos

unu séculu tochene in sa vida.

Lis sias de tutela e de guida

ja chi in sa tua santidade crene.

Aggradide custa mia dispedida

gratzie ‘e totu e bistàdebbos bene.

Seu

S’istória nos narat, Bustianu,

chi fisti unu famosu uficìale,

e in sa corte de Massimianu

jàa li fisti custode personale.

Però sa gelosia bestiale

acusadu ti at che cristianu

e afrontadu as sa morte brutale,

retzidu as su martìriu inumanu.

Naran chi a sa muzere ‘e Nicostratu,

proite fit brivada ‘e sa favella

cun-d-una grascia faeddare as fatu.

Ma como inoghe, màrtire innotzente,

manda puru sa grascia pius bella

e beneighe dogni abbitu ‘e zente.

A chie organizadu ti at sa festa,

che una sentinella vigilante

ogni grascia chi pedin tue presta.

Ma como apo finidu su dovere,

dae Seui cuntentu mi ch’ando

e a bos saludare totus passo.

E si no apo fatu piaghere

dae su palcu perdonu domando

e in bona permanéntzia bos lasso.

Vi invitiamo a leggere e ascoltare il secondo tema della gara poetica tra Marieddu Masala e Juanne Seu a seguito del primo tema già pubblicato con il precedente articolo del 16 novembre 2008.

Oltre i versi, troverete circa ogni dieci ottave, un lettore mp3 che vi consentirà di sentire la registrazione della gara. La necessità di dividere la registrazione in tre parti, è unicamente una mia scelta, dovuta al fatto che con spezzoni di files più piccoli, sono agevolati all’ascolto anche gli utenti con linea non ADSL. vi consiglio di avviare il lettore prima di iniziare la lettura dei versi.

Buon ascolto e buona lettura.

MARIEDDU MÀSALA / JUANNE SEU

Festa de Santu Pitanu

Seui, su 4 de Austu de su 1996

Secondo tema: MUZERE FEA E ONESTA,

MUZERE BELLA E DISONESTA

1. Màsala

De su sorteggiu fatu chi m’impude

no creo in palcu a tempus propìtziu.

Benénnidu chi li nelza e lu salude

m’at a tocare e dàreli s’initziu.

Pro chi est sa bellesa una virtude

e sa disonestade est unu vitziu

ca de sa vida s’ànima gemella

como la tenzo disonesta e bella.

2. Seu

Da chi su primu tema amus finidu

reposadu mi so in sa cadrea.

Ma est un’àter’órdine arrividu

e mi nde torro a pesare a sa rea

ca un’àteru tema nde an batidu

e deo tenzo una pobidda fea.

Però cun megus solu faghet festa

ca est pobidda fea ma onesta.

3. Màsala

Tue la tenes fea e onesta

e tocat chi a issa ti agguales.

Ma tra totu sos pregios naturales

sa bellesa no est palte modesta:

m’imbìdian ca l’apo a s’ala dresta

paesanos, amigos e fedales.

Cantu bella no fit Nostra Signora!

Muzere mia est pius bella ancora.

4. Seu

Tzertu bella no est muzere mia

ca jughet in sa facia calchi nue.

Ma no est cun nisciunu a para-fue,

tenet a mie solu simpatia:

deo no mi disizo coment’e tue

ca l’as una pobidda a mesadria.

Est bella chi in su coro ponet lua

però ja l’ischis chi no est sa tua.

5. Màsala

S’ùnica cosa chi a mie at atratu

ti l’apo nadu chi est sa bellesa

e no est un’isbagliu chi apo fatu,

como li devo fagher sa difesa

però la tenzo trobeida e presa

siat in domo o fora ‘e su palatu.

Ma a boltas segat fune cun trobea

e si che fuet ma torrat intrea.

6. Seu

No est muzere mia unu fiore

e ne li faghen un’ingrandimentu.

Ma est muzere pulida in s’onore

prite mai capricios no a tentu.

Nois duos in s’altare mazore

amos fatu unu sacru giuramentu.

E issa ogni mamentu narat gai:

su giuramentu no l’afaltzo mai.

7. Màsala

Tue in sos giuramentos ses cunvintu,

gai podes drommire a sa sigura.

Muzere mia una dea ‘e figura,

su visu delicadu e distintu,

pro gai cando passo in logu istrintu

nd’imbol’in terra totu sa crisura.

A su ‘entu li paro su petorru

e mi l’infelco in sa punta ‘e su corru.

8. Seu

No est muzere mia un’aurora

però l’istimo e li tenzo rispetu.

Cando l’apo isposada e oe ancora

jà l’apo afetu e mi tenet afetu.

Ma tue cando torras dae fora

si l’agatas cun atere in su letu

in domo bi sutzedit una gherra

ca issa est in su letu e tue in terra.

9. Màsala

Ma primu ‘e faeddare atentu ista,

Juanne, prite deves meditare.

Si l’apo disonesta est un’afare

e pro cussu non so a cara trista:

ja chi triunfat sempre in dogni pista

e sa prima la ‘iden arrivare

in bidda nostra e in biddas de fora

totus la jaman s’ebba curridora.

10. Seu

Muzere mia no est sa reina

de bellesa e repito s’argumentu

ca pro la ider in-d-unu mamentu

dae Sàtana fatu at sa farina.

Però cando mi colco in s’aposentu

deo nd’istudo dogni lampadina

ca si s’amore ponimos in motu

mancari fea paret bella etotu.

11. Màsala

Tand’est che chi bi manchet sa currente,

cun s’iscuru ti tocat de cumbàtere.

Cantu muzere mia est avenente

e poi finas de bellu caràtere

chi est sempre cuntenta e sorridente

siat cun megus o siat cun àtere..

E si li dan unu ‘asu ogni tantu

no li che nd’an a segare unu cantu.

12. Seu

Muzere tua est rosa ‘e primavera

e la podes bantare su bastante.

Deo non fato peruna chimera

mancari sa bellesa ch’est distante.

Ma eo juto sa conca lezera

e tue jughes sa conca pesante:

laa podes fagher una cuntierra

ma deves caminare a conca a terra.

13. Màsala

Àteras cosas in mente ti fissa

ca cussa no cheriat mancu nada.

Cando chi ‘essit no andat a missa,

che la ‘iden in àtera contrada.

Cando ‘essimos a sa passizada

totu abbàidan a mie e a issa

pro chi naran mi faghet piaghere:

“Biad’a issu chi at cussa muzere”.

14. Seu

Tue muzere tenes a modellu

ma cheres cumpiantu, cudd’iscuru,

ca est a ti mirare unu flagellu,

ue passas no ses mancu seguru:

chie narat chi ses unu ‘itellu,

chie narat chi ses boe maduru.

Jà l’as abberu una pobidda rara

però ti faghen sos corros in cara.

15. Màsala

Tue sa fea e onesta li loda,

contr’a mie non sémines ispinas.

Lassa de una bella chi mi goda,

su modellu ‘e totu sas femìnas,

e sa disonestade ja est de moda

tantu como sun totu libbertinas.

Si l’apo disonesta no est sola

tantu dogni moderna est mariola.

16. Seu

Tue ja podes narrer cantu cheres

custa bellesa ponzèndela in motu.

E gódidì sos tuos piagheres

però jughes su coro in abbolotu.

O Mario, si totu sas muzeres

Coment’e-i sa tua fini totu

ja fini sos maridos totu mudos

no nde naro chi dian esser gai.

17. Màsala

A narrer cosas gai no ti apentes

ca mi ses dende fastìdiu e pena.

Cando leadu mi apo un’Elèna

non so pro cussu cun su fele in dentes

tantu sa domo est sempre piena,

no bi mancat amigos ne clientes

si est pro totus abbelta sa janna

e in domo b’at sempre festa manna.

18. Seu

Ja bi nd’at festas de ogni colore,

ca istranzos bi nd’at de ogni gradu.

Deo no ap’isceltu unu fiore

ma mi poto jamare fortunadu

proite cando mi so cojuadu

fia solu pensende pro s’onore.

E-i s’onore meu est sempre gai:

no b’at màchia chi lu tochet mai.

19. Màsala

Muzere mia est pomposa e galana:

cantu est bella, Seu, si l’ischeras,

chi est cojada ma paret baiana

ca sa bellesa est tra sas cosas veras:

pro ti aer leadu una befana

fit menzus chi cojadu no ti esseras.

Cando la ‘ogas a de note la ‘oga

ca a de die li naran sa corroga.

20. Seu

Ja l’ischia ch’est fea e faghet dolu

ca pius fea paret de s’istria.

Ma no mi leo perunu oriolu

antzis li tenzo sempre simpatia

ca in su pàsculu ‘e muzere mia

bi poto pasculare deo solu.

Ma tue tempos malos as connotu

ca as-una tanca chi bi paschen totu.

21. Màsala

Però no arrejones a sa tzega

cand’in palcu ti paras a sa rea.

No mi ses ne cumpagnu ne collega

ca deo l’apo bella e tue fea.

Ma intantu sa mia est una dea

e invece sa tua est un‘istrega:

sa gemella ‘e s’istrega ‘e Benevento,

si l’’ido finas deo m’ispavento.

22. Seu

Pobidda mia no m’at mai istracu

pruite no caminat a sa tzega.

Li podes narrer chi est un’istrega

però so su padronu e non teracu.

Si l’atzetas, carìssimu collega,

ti poto comporare unu serracu,

e ti nde segas calchi die ‘e festa

cussas fulchiddas chi jughes in testa.

23. Màsala

Si andas a segare cosa tosta,

Seu, b’as a bistare tota vida.

Però muzere mia est colorida,

bella paret a mie fata a posta,

pro chi si ch’andet in lìbbera ‘essida

sena mancu pedire nulla-osta.

No est nudda si no torrat a domo

chi a su mancu trancuillu dromo.

24. Seu

Deo l’apo agatada sa fortuna

e permiti repiter chi lu pote.

Sa mia ‘e bellesa no at dote

e ne jara no est che-i sa luna

però torrat sa tua a mesanote

o torrat a sas duas o a s’una.

E tue abbandonadu poverinu

prite t’est rutu in peus su destinu.

25. Màsala

Ammentadinde chi a muzere mia

sa natura ‘e bellesa l’at dotada.

Tantu coment’e issa no che nd’ada

un’àtera a li fagher cumpagnia:

si nd’’ogo como sa fotografia

totus mi naran: “Custa est una fada”.

Ma si nde ‘ogas sa ‘e muzere tua

tota Seui si ponet in fua.

26. Seu

Ti repito: no est un’aurora

però mi faghet sempre piaghere

ca l’ischit fagher su sou dovere

fintzas cand’’essit dae sa dimora.

Ma tue t’as leadu una muzere

chi l’an giamada s’ebba curridora:

istat in giru peri sos caminos

e si la setzin totu sos fantinos.

27. Màsala

L’aia nadu deo, si as-in mente,

chi l’apo bella però est lezera.

Faghet figura in d-ogni fiera

ma pro la ‘ider acudit sa zente.

S’aviat dogni tantu in continente

che turista, e in terra istraniera,

ma medas boltas partit in bulleta

e nd’’atit de ‘inari una borseta.

28. Seu

E tue invece in domo che burricu

pruite t’at tocadu sorte ingrata.

Ma ‘eo ‘e richesa no ap’aficu

pruite tenzo su tantu ‘e sa mata

e tue invece lu as nadu in piata:

muzere mia mi est fatende ricu.

Però a lu repiter mi piaghet:

custa richesa comente la faghet?

29. Màsala

No mi fetas giudìtziu nieddu,

chi ti cantes sa fea est necessàriu.

E pensa ‘e ti curregger su faeddu

si no t’’essit su pópulu contràriu.

Prima mi naraian Marieddu

e-i como mi naran signor Màriu.

Sos amantes chi tenet sun cuntentos

chi faghen fin’a mie cumplimentos.

30. Seu

Muzere tua est a totu sas alas

e tue in domo a rànzigu ‘e dentes.

Ma cun custa bellesa chi regalas

ja si la miran totus cun sas lentes.

Issa est in giru chilchende clientes

e tue, iscuru, parende sas palas.

Eo de sa bellesa isto dejunu

però non la divido cun nisciunu.

31. Màsala

Tue a muzere mia rigualda

e crìtica pro issa no nde fetas

ca pro istintu de natura est calda

pro chi no est onesta, ite ti cretas.

Como che l’apo in sa Costa Ismeralda

inube b’at atrices e valletas:

mi telefonat chi est sempre bagnende

e issa l’ischit ite b’est fetende.

32. Seu

Tzeltu bella no est muzere mia

pruite at unu dossu e visu feu.

Ti dat afetos de ogni zenia

cando ‘e s’amore faghimos s’impreu.

E cando canto in domo sa ninnia

eo la canto a unu fizu meu.

Tue chi de cantones usas tantas

cussa ninnia a chi est chi la cantas?

33. Màsala

Làssami sas ninnias a un’ala

e cosas gai no fetas ischire.

Ca sos pitzinnos non cheren dromire

tue deves passare note mala.

Cudd’est sa prima ch’intrat a sa sala

e-d-est s’ùltima poi a si ch’’essire.

Sos chi la ‘iden che ruen in susu,

no si che podene istacare prusu.

34. Seu

Deo li tenzo sempre istima fissa

pro chi bella no est che unu lizu.

Nos tucamus a cheja umpare a missa

e nos catzamus puru ogni disizu

poi cando cantamus unu fizu

ja lu cantamus umpare cun issa.

Ma tue cantas sa ninnia areste

prite no ischis mancu ‘e chie este.

35. Màsala

Ma in domo de fizos no bi nd’ada

ca no bi nd’at naschìdu, e mi peldona.

Issa est fina una brava padrona

mancari siat mesu iscapriciada.

E cantas boltas l’apo preigada!

Promitit sempre chi faghet a bona,

poi si ch’andat a si diveltire:

s’est disonesta no la dev’’ochire.

36. Seu

Naras chi t’as leadu una viola

e nas chi a dognunu est atraente

ma no la podes lassare a sa sola

pruite istat girende frecuente.

O Marieddu, si mi pones mente

ja li pones in conca una pistola.

E gai cussa rosa colorida

de passizare la faghet finida.

37. Màsala

No mi leo in sas manos su fusile

pro isparare in bassu ne in altu

ca sa bellesa la ponzo in risaltu,

sa mia est una rosa ‘e mes’abrile,

e-i sa tua invece est s’iscaltu

de totu cantu su sessu gentile.

A da chi est su risu ‘e tota s’ama

torrabbichela a su babbu e sa mama.

38. Seu

Muzere mia ja l’isco ch’est fea

e no est una rosa vellutada.

Cand’apo ‘e mi cojare tentu idea

ja mi l’apo onesta seberada,

e ti repito: pro chi siat fea

sempre contat sa mia innamorada.

E nos tenimus sempre istima fissa:

issa istimat a mie e deo a issa.

39. Màsala

Deo invece l’apo indovinada,

so cunvintu chi fatu apo un’afare

tantu cando mi dat un’abratzada

no mi piaghet a mi ch’istacare.

Benit su tempus de carrasegare,

recuet semper a sa manzanada

piena e coriàndulos e tintas:

totu supolto a dentes istrintas.

40. Seu

Nois andamus umpare a ballare

ma pensamentu no tenzo perunu.

Deves ischire sas chi onestas sunu

ja sunu totu rosas de ammirare

ca finamentas in carresegare

in sa sala non ballat cun nisciunu.

A nisciunu non faghet simpatia

e tando ballat cun megus ebbia.

41. Màsala

Ballos bi nd’at antigos e civiles

e s’esémpiu, Juanne, nd’amos bidu.

Si l’apo bella no mi so pentidu

e no chelzo chi tue a mie aviles.

Totu sos chi connoschet sun gentiles,

ofrin finas a mie unu cumbidu.

Pensamentu pro nudda no mi leo:

bi godit issa e b’isto bene deo.

42. Seu

Fin’a t’intender mi pares istranu

ca a tie etotu pones in guai.

Sa tua est una rosa ‘e su ‘eranu

però ‘e viscios nde tenet assai:

pro no leare una muzere gai

mezus ch’esseras istadu ‘ajanu.

Solu pro gulpa ch’a issa as connotu

ses diventadu su risu ‘e totu.

43. Màsala

Lassa chi deo puru ria e cante,

ma est sa tua una bufonatura.

Ca t’as leadu un’ischeltzu ‘e natura

dae sa mia la pone a distante

chi s’at leadu fina una vitura

e l’at pagada, Juanne, in contante.

E mi passitzat a su sou fiancu

e deo sen’ispender mesu francu.

44. Seu

Deo leadu no m’apo una dea

però si ‘alet cantu unu tesoro,

antzis ti poto narrer chi l’addoro

ca no m’at postu in ancas sa trobea.

Sa mia est sa mia tot’intrea

e che la tenzo sempre intro su coro.

Sa tua est bella e faghet simpatia

ma no est però a tie in cumpagnia.

45. Màsala

Ma permiti, Juanne, chi conclua

e faghe tue puru finitia.

Chie at de si cojare bramosia

devet fagher sa volontade sua:

chi si la chilchet bella che i sa mia

e chi siat onesta che-i sa tua.

Bellesa e onestade den cumbènnere

ma no est sempre chi si poden tènnere.

46. Seu

Finimus cust’iscena curiosa

però ja bi cheriat in sa festa.

Ja est bona sa fémina che rosa

pruite ponet sos grillos in testa:

però pro una bella capriciosa

est mezus una fea ma onesta

ca pruite s’onore ti sufragat

e no bi nd’at tesoro chi lu pagat.